14

حکومت کا شہباز کے خلاف لاہور ہائیکورٹ سے رجوع کرنے کا فیصلہ

مسلم لیگ ن کے صدر شہباز شریف۔  فائل فوٹو
مسلم لیگ ن کے صدر شہباز شریف۔ فائل فوٹو

اسلام آباد: وفاقی حکومت نے منگل کو سابق وزیراعظم نواز شریف کی وطن واپسی سے متعلق کیس میں قومی اسمبلی میں قائد حزب اختلاف شہباز شریف کے خلاف عدالت سے رجوع کرنے کا فیصلہ کیا ہے۔

جیو نیوز ذرائع کے مطابق حکومت نے شہباز شریف کے خلاف لاہور ہائی کورٹ میں درخواست دائر کرنے کا فیصلہ کیا ہے۔

ان کا مزید کہنا تھا کہ حکومت کا مؤقف ہے کہ شہباز شریف نے نواز شریف کی وطن واپسی کی ضمانت دی تھی، اگر سابق وزیراعظم واپس نہ آئے تو موجودہ حکومت ان کے خلاف عدالت سے رجوع کرے گی۔

اس سے قبل منگل کو ایک پریس کانفرنس کے دوران وفاقی وزیر اطلاعات و نشریات فواد چوہدری نے کہا تھا کہ نواز شریف کبھی رضاکارانہ طور پر وطن واپس نہیں آئیں گے بلکہ حکومت برطانیہ کے ساتھ معاہدے کو حتمی شکل دینے کے بعد انہیں واپس لائے گی۔

Source link

اس خبر پر اپنی رائے کا اظہار کریں

اپنا تبصرہ بھیجیں