10

کانگو کے آرمی چیف کی آرمی چیف سے ملاقات

کانگو کے آرمی چیف کی آرمی چیف سے ملاقات

راولپنڈی: آرمی چیف جنرل قمر جاوید باجوہ سے کمانڈر آف ٹیریسٹریل آرمی کانگو لیفٹیننٹ جنرل سکابوے اسندا فال نے بدھ کو یہاں ملاقات کی۔ معزز مہمان نے پاکستان کی مسلح افواج کی پیشہ ورانہ مہارت اور جمہوری جمہوریہ کانگو میں اقوام متحدہ کے امن مشن میں کردار کو سراہا۔

ملاقات میں باہمی دلچسپی کے امور، علاقائی سلامتی کی صورتحال اور دونوں ممالک کے درمیان دفاع، تربیت اور سیکیورٹی سمیت عسکری تعاون کے دائرہ کار پر تبادلہ خیال کیا گیا۔

سی او اے ایس نے اس بات پر زور دیا کہ پاک فوج اقوام متحدہ (یو این) کے بینر تلے قیام امن کے لیے اپنا کردار ادا کرنے کے لیے پرعزم ہے اور ہم نے اس عظیم مقصد کے لیے بے شمار قربانیاں دی ہیں۔

جنرل باجوہ نے کہا کہ پاکستان کانگو کو افریقی براعظم میں ایک اہم ملک کے طور پر دیکھتا ہے اور ہم علاقائی امن کے لیے کانگو کے کردار کو سراہتے ہیں۔ معزز مہمان نے دونوں افواج کے درمیان مختلف شعبوں میں تعاون بڑھانے کے عزم کا اظہار کیا۔

Source link

اس خبر پر اپنی رائے کا اظہار کریں

اپنا تبصرہ بھیجیں