16

پی ٹی آئی ایم این ایز کی 11 اپریل تک تنخواہیں اور الاؤنسز جاری

اسلام آباد میں پارلیمنٹ کی عمارت۔  تصویر: دی نیوز/فائل
اسلام آباد میں پارلیمنٹ کی عمارت۔ تصویر: دی نیوز/فائل

اسلام آباد: قومی اسمبلی سیکریٹریٹ نے جمعے کو پی ٹی آئی کے ان ارکان کو 11 اپریل تک کی تنخواہیں اور دیگر الاؤنسز جاری کردیے ہیں جنہوں نے پہلے ہی قومی اسمبلی سے استعفیٰ دے دیا تھا۔

این اے ذرائع کے مطابق پی ٹی آئی ارکان کی تنخواہیں اور ٹی اے/ڈی اے 11 اپریل تک جاری کر دیے گئے ہیں، باقی دنوں کی تنخواہیں استعفوں کا فیصلہ آنے کے بعد ہی ادا کی جائیں گی۔

سپیکر قومی اسمبلی راجہ پرویز اشرف نے پی ٹی آئی ایم این ایز کے استعفوں کو ڈی سیل کرنے کا حکم دیتے ہوئے آئندہ ہفتے سے انفرادی طور پر ان کے استعفوں کی تصدیق کا عمل شروع کرنے کا فیصلہ کیا ہے۔

قومی اسمبلی سیکرٹریٹ کے مطابق استعفوں کی تصدیق نہ کرنے والے اراکین کو باقی دنوں کے واجبات ادا کر دیے جائیں گے جب کہ جو اراکین قومی اسمبلی اپنے استعفوں کی تصدیق کرائیں گے انہیں 11 اپریل کے بعد واجبات نہیں ملیں گے۔

Source link

اس خبر پر اپنی رائے کا اظہار کریں

اپنا تبصرہ بھیجیں