12

مردان بم دھماکے میں پولیس اہلکار شہید

مردان: چمتھر پولیس چوکی پر بم حملے میں ایک پولیس ہیڈ کانسٹیبل شہید جبکہ پانچ دیگر افراد بشمول دو راہگیر زخمی ہوگئے، سرکاری ذرائع نے جمعرات کو یہاں بتایا۔

چمتھر چوکی کے مین گیٹ کے قریب پل کے نیچے نصب بارودی مواد صبح 10 بج کر 45 منٹ پر نستہ روڈ پر صدر تھانے کی حدود میں پھٹ گیا جس کے نتیجے میں ہیڈ کانسٹیبل مقصود موقع پر ہی جاں بحق جبکہ اسسٹنٹ سب -انسپکٹر سہیل خان، کانسٹیبل فیاض خان، محمد کریم اور راہگیر محمد اسحاق اور ہلال زخمی ہوئے۔

ریسکیو 1122 کی ٹیم نے موقع پر پہنچ کر لاش اور زخمیوں کو مردان میڈیکل کمپلیکس منتقل کیا۔ بم ڈسپوزل یونٹ کے اہلکاروں نے جائے وقوعہ سے شواہد اکٹھے کئے۔ ابتدائی تحقیقات میں انکشاف ہوا ہے کہ دھماکے میں 8 سے 10 کلو گرام بارودی مواد استعمال کیا گیا تھا جس سے پولیس چوکی کے مین گیٹ اور باؤنڈری وال کو بری طرح نقصان پہنچا۔

اس رپورٹ کے لکھے جانے تک کسی گروپ نے دہشت گردی کی کارروائی کی ذمہ داری قبول نہیں کی۔ دریں اثناء شہید پولیس اہلکار کی نماز جنازہ مردان پولیس لائنز میں ادا کر دی گئی۔ بعد ازاں مرحوم کو ان کے آبائی گاؤں گریکا پورہ میں سپرد خاک کر دیا گیا۔

Source link

اس خبر پر اپنی رائے کا اظہار کریں

اپنا تبصرہ بھیجیں