12

کوئٹہ دھماکے میں ایک شخص جاں بحق

کوئٹہ: جمعے کو پوداگلی چوک پر دھماکے میں کم از کم ایک شخص جاں بحق اور 13 زخمی ہوگئے۔

محکمہ صحت بلوچستان کے میڈیا کوآرڈینیٹر ڈاکٹر وسیم بیگ کے مطابق 13 زخمیوں اور ایک لاش کو سول اسپتال لایا گیا جہاں دو زخمیوں کی حالت تشویشناک بتائی جاتی ہے۔

جاں بحق ہونے والوں کی شناخت محمد مراد کے نام سے ہوئی جبکہ زخمیوں میں قادر شاہ، حسیب، ولید، نوید، حمزہ، شکیل، خادم حسین، اویس، محمد اشرف، عبدالرشید، فراز، سرفراز اور ایک خاتون صائمہ شامل ہیں۔ قانون نافذ کرنے والے اداروں کے اہلکاروں نے دھماکے کی جگہ پہنچ کر پورے علاقے کو گھیرے میں لے لیا۔ دھماکے کی نوعیت کے بارے میں تحقیقات جاری ہیں۔

Source link

اس خبر پر اپنی رائے کا اظہار کریں

اپنا تبصرہ بھیجیں