حافظ آباد: وزیر اعظم کے معاون خصوصی عطا اللہ تارڑ، سابق وفاقی وزیر سائرہ افضل تارڑ، ضلع کونسل کے وائس چیئرمین رائے قمر زمان اور دیگر 22 افراد کے خلاف عمران خان کی جان کو دھمکیاں دینے پر مقدمہ درج کر لیا گیا۔
پی ٹی آئی کے صدر عمران حیدر بھٹی کی جانب سے سٹی پولیس اسٹیشن میں درج کرائی گئی ایف آئی آر کے مطابق سابق چیئرمین قمر الزمان نے کہا کہ عمران خان واجب القتل ہیں اور اگر ان کی قیادت نے انہیں حکم دیا تو وہ انہیں گولی مار دیں گے۔ ان خیالات کا اظہار انہوں نے پی ایم ایل این کے کنونشن میں کیا جس میں عطا تارڑ اور سائرہ افضل نے بھی شرکت کی۔ پولیس نے پی ایم ایل این کے 24 سے زائد رہنماؤں کے خلاف مقدمہ درج کر لیا ہے اور رائے قمر الزمان کو بھی گرفتار کر لیا ہے۔
