اسلام آباد: نجی ٹی وی چینل کے اینکر نے اپنے پروگرام میں تصاویر کے ساتھ دعویٰ کیا ہے کہ ارشد شریف کو قتل کرنے سے پہلے وحشیانہ تشدد کا نشانہ بنایا گیا۔
انہوں نے کہا کہ ارشد شریف کو قتل کرنے سے قبل تین گھنٹے تک تشدد کا نشانہ بنایا گیا۔ اس کی پسلیاں ٹوٹ گئیں اور تینوں انگلیوں کے ناخن نکالے گئے اور دو انگلیاں ٹوٹ گئیں۔ اپنے پروگرام میں ایک اور اینکر کا کہنا تھا کہ میت کو غسل دینے والوں کے مطابق ارشد شریف کی تین انگلیاں ناخن کے بغیر تھیں اور ان کی تینوں انگلیاں بھی مروڑی ہوئی تھیں۔
ادھر پمز کے ڈاکٹر خالد مسعود نے بتایا کہ پوسٹ مارٹم رپورٹ میں ارشد شریف کے جسم پر بارہ نشانات کی نشاندہی ہوئی ہے اور دائیں ہاتھ کی چار انگلیوں کے ناخن بھی کھینچے گئے ہیں جبکہ بائیں ہاتھ کی انگلیاں بھی زخمی ہیں۔
شاہ زیب خانزادہ نے جیو نیوز پر اپنے پروگرام میں تجزیے میں کہا کہ ارشد شریف کے قتل کے بعد کینیا پولیس کے بیان میں کوئی صداقت نظر نہیں آتی۔ حکومت نے دعویٰ کیا کہ ارشد شریف کو چیک پوسٹ پر نہ رکنے اور غلط شناخت پر قتل کیا گیا بلکہ یہ ٹارگٹ کلنگ تھی۔ کینیا کی کاؤنٹر ٹیررازم فورس نے تصدیق کی کہ ارشد شریف کو تھوڑے فاصلے سے گولی ماری گئی۔
گولیاں چلتی گاڑی پر نہیں چلائی گئیں جیسا کہ کینیا کی پولیس نے دعویٰ کیا تھا لیکن گاڑی کو روکنے کے بعد گولیاں چلائی گئیں۔
