21

خیرپور وین حادثے میں بچوں سمیت 20 عقیدت مند جاں بحق

سیہون: جمعرات کو خیرپور کے قریب انڈس ہائی وے پر مسافر وین کو حادثہ پیش آیا جس کے نتیجے میں 12 بچوں سمیت 20 عقیدت مند جاں بحق اور متعدد زخمی ہوگئے۔

حادثہ اس وقت پیش آیا جب خیرپور سے سیہون شریف جانے والی مسافر وین خیرپور کے قریب انڈس ہائی وے پر سیلابی پانی کے اخراج کے لیے بنائے گئے گہرے کٹے میں جاگری جس میں خواتین اور بچے بھی شامل تھے۔

پولیس کے مطابق کٹے سے 20 لاشیں نکال کر سید عبداللہ شاہ انسٹی ٹیوٹ، سہون شریف منتقل کر دی گئی ہیں۔ جاں بحق ہونے والوں میں 8 خواتین، 10 بچے اور دو مرد شامل ہیں جب کہ متعدد زخمی ہیں۔

یاد رہے کہ زیر آب آنے والے علاقوں سے دریائے سندھ میں پانی کے بہاؤ کو تیز کرنے کے لیے انڈس ہائی وے پر 30 فٹ چوڑا کٹ لگایا گیا تھا۔

عینی شاہدین نے بتایا کہ نیشنل ہائی ویز اتھارٹی کی جانب سے دو ماہ گزرنے کے بعد بھی کٹ بند نہیں کی گئی جس کی وجہ سے یہ حادثہ پیش آیا۔ سابق صدر آصف علی زرداری نے المناک حادثے پر دکھ کا اظہار کرتے ہوئے کہا کہ قیمتی جانوں کے ضیاع پر دکھ ہوا ہے اور انہوں نے سندھ حکومت کو جاں بحق ہونے والوں کے لواحقین کو ہر ممکن امداد فراہم کرنے کی ہدایت کی ہے۔

Source link

اس خبر پر اپنی رائے کا اظہار کریں

اپنا تبصرہ بھیجیں