کلایا: بدھ کو اورکزئی ضلع کے نچلے حصے میں ڈولی کے علاقے میں کوئلے کی کان کے اندر گیس کے دھماکے سے کم از کم نو کان کن ہلاک اور چار زخمی ہوگئے۔
ڈپٹی کمشنر اورکزئی عدنان فرید
اور ڈسٹرکٹ پولیس آفیسر نذیر خان نے بتایا کہ کان میں میتھین گیس جمع ہو گئی تھی جس کی وجہ سے ڈولی کے علاقے میں دھماکہ ہوا۔
ان کا کہنا تھا کہ دھماکے کی وجہ سے کان منہدم ہوگئی جس سے کان کن ملبے تلے دب گئے۔
واقعے کے فوراً بعد ریسکیو ٹیمیں موقع پر پہنچ گئیں اور 9 کان کنوں کی لاشیں اور 4 کو زخمی حالت میں نکال لیا۔
زخمیوں کو طبی امداد کے لیے کلایا اور کوہاٹ کے اسپتالوں میں منتقل کر دیا گیا، امدادی کارکنوں کے مطابق دھماکے کے وقت کوئلے کی کان میں 13 کان کن کام کر رہے تھے۔
ان کا کہنا تھا کہ لیز کا ٹھیکیدار شعیب حسن بھی مرنے والوں میں شامل ہے۔
انہوں نے مزید کہا کہ ہلاک اور زخمی ہونے والوں کا تعلق اورکزئی اور شانگلہ کے اضلاع سے ہے۔ قبائلی ضلع اورکزئی میں کوئلے کی 4000 سے زائد کانیں ہیں اور 3000 سے زائد مزدور وہاں انتہائی خراب حالات میں کام کرتے ہیں۔ ملک میں ہر سال کانوں کے گرنے کے واقعات میں متعدد ہلاکتیں رپورٹ ہوتی ہیں۔