55

کراچی ہائی رائز بلڈرز گرفتار

کراچی: کراچی کے مرکزی عبداللہ ہارون روڈ پر واقع بلند ترین عمارتوں میں سے ایک ایچ ایس جے آئیکون کے بلڈر محمد حنیف جیوانی اور ان کے بیٹے احمد حنیف جیوانی کو پولیس نے گرفتار کر لیا ہے۔

گرفتار باپ بیٹا ایچ ایس جے کنسٹرکشن کمپنی کے چیئرمین اور چیف ایگزیکٹو آفیسر (سی ای او) ہیں۔ ان پر اپنی دوسری کمپنی میں رہن رکھی گئی جائیداد میں غبن کرنے کا الزام ہے۔

گرفتاریاں درج مقدمے کی بنیاد پر کی گئی ہیں جب کہ عدالت نے ایک روزہ پولیس ریمانڈ بھی دے دیا ہے۔ حنیف جیوانی، ان کی اہلیہ اور ایک بیٹے کے نام پر قائم کمپنی پر بھی اربوں روپے کا بینک ڈیفالٹ ہے۔

تھانہ بولا خان کے جوڈیشل مجسٹریٹ نے محمد حنیف سلیمان اور احمد حنیف کو ضلع جامشورو کے نوری آباد تھانے میں درج دفعہ 380/34 کے تحت چوری کی ایف آئی آر نمبر 83/2022 پر 5 دسمبر تک پولیس کے حوالے کر دیا ہے۔

قبل ازیں پولیس نے ملزمان کو عدالت میں پیش کیا۔ عدالتی استفسار پر ملزمان نے پولیس کی جانب سے ناروا سلوک کی شکایت نہیں کی۔

پولیس نے عدالت سے استدعا کی کہ کیس کی تفتیش کی جائے۔ شریک ملزم کو گرفتار کرنے کے ساتھ ساتھ کورونا ٹیسٹ بھی کرایا جائے۔

لہٰذا ملزم کو 14 روزہ جسمانی ریمانڈ پر پولیس کے حوالے کیا جائے۔

تاہم عدالت نے ملزمان کو پیر 5 دسمبر تک جسمانی ریمانڈ پر پولیس کے حوالے کرتے ہوئے آئندہ سماعت پر پیش رفت رپورٹ پیش کرنے کا حکم دے دیا۔

Source link

اس خبر پر اپنی رائے کا اظہار کریں

اپنا تبصرہ بھیجیں