ڈیرہ غازی خان: راجن پور کے قریب پیر کی صبح شدید دھند کے باعث دو مسافر کوچوں میں تصادم کے نتیجے میں 8 مسافر جاں بحق جب کہ 25 سے زائد زخمی ہوگئے۔
ریسکیو حکام کے مطابق صبح سویرے انڈس ہائی وے پر شاہ والی کے قریب پشاور سے کراچی جانے والی کوچ کوئٹہ سے راجن پور جانے والی کوچ سے ٹکرا گئی۔ ریسکیو اہلکاروں نے جاں بحق اور زخمیوں کو روجھان اور رحیم یار خان کے اسپتالوں میں منتقل کیا۔
جاں بحق ہونے والوں میں غلام شبیر، عمران، نادر، بھٹو، کفایت اللہ خان، کاشف اور شیر زمان شامل ہیں جب کہ ایک مسافر کی لاش کی تاحال شناخت نہیں ہوسکی۔ زخمیوں میں احسان الدین، محمد نبیل، رحمت اللہ، سجاد حسین، نقیب اللہ، نجیب اللہ، ذکیرہ بی بی، امجد حسین، عبدالرزاق، الطاف، غلام شاہ، عزت خان، نیک علی مرتضیٰ، گل خان، محمد ریاض، عاشق شامل ہیں۔ علی، مرتضیٰ اور دیگر۔